» » » СЫР МАРЖАНЫ ШЕТЕЛДЕ ЖОҒАРЫ СҰРАНЫСҚА ИЕ

СЫР МАРЖАНЫ ШЕТЕЛДЕ ЖОҒАРЫ СҰРАНЫСҚА ИЕ

Бұл туралы Қызылорда облысының әкімі Қырымбек Көшербаев тұрғындармен есепті кездесуінде баяндады.
 
Әкімнің айтуынша, Тұрақты даму тенденциясы агроөнеркәсіп секторында да байқалады. 2016 жылы ауыл шаруашылығы саласында негізгі капиталға салынған инвестиция көлемі 2015 жылмен салыстырғанда 2 еседен артық өсті. Бұдан бөлек, Тәуелсіздігіміздің 25 жылдығы мерейлі мерекесі қарсаңында Сыр күрішшілері ел тарихында күріштің әр гектарынан 56 центнер, ал, жекелеген шаруашылықтар 80 центнерге дейін өнім жинап, рекордтық көрсеткішке қол жеткізді.
 
- Соңғы 3 жылда күріштің жалпы жиынтық өнімі үштен бір бөлікке көбейді (32 пайыз), бұған дақыл көлемін ұлғайтудан емес, қайта күріш сорттарының өнімділігін арттыру есебінен қол жетіп отыр. Біз облыс тарихында алғаш рет ауыл шаруашылығы өнімдерін тарату нарығына кешенді маркетингтік зерттеулер жүргізіп және оны аграрлық сектордың мүмкіндік әлеуеттерімен байланыстырдық. Осы зерттеулердің негізінде облыстың 2020 жылға дейінгі агроөнеркәсіптік кешенін дамытудың агрокартасы жасалды,- деді облыс әкімі кездесу барысында.
 
Облыста ауыл шаруашылығын дамытудың 2020 жылға дейінгі Агрокартасында негізгі міндет ретінде экспорттық әлеуетті арттыру айқындалып, өнімдерді тарату нарығын кеңейту арқылы Парсы шығанағы елдеріне (Иран, Біріккен Араб Әмірліктері), Орталық Азияға (Қытай) және Шығыс Еуропаға шығу көзделген.
 
- Алғашқы кезекте біз негізгі дақылымыз күріш үшін жаңа нарықтарды игере бастадық. Қазір Қытайға 20 мың тонна күріш жөнелту бойынша келіссөздер жүргізілуде, Түркия мен Англияға күріш өткізу мәселелері қарастырылуда. Эмбарго алынғаннан кейін бізге Иранның үлкен рыногына жол ашылды. Бұл мемлекет жыл сайын 5 млн тоннаға дейін күріш тұтынады, оның тең жартысын сырттан тасымалдайды. Осы нарықты игеру мақсатында 2016 жылы Иран елінде үлкен сұранысқа ие «Тором Хошеми» күріш сортын тәжірибелік негізде өсірдік. Иран кәсіпкерлері бізден күріш сатып алатын болды, тіпті, өндірісті қаржыландыруға әзір екендерін білдірді. Бұл жөнінде біз 1 ақпанда Мазандаран провинциясының басшылығымен болған кездесу барысында келісімге келдік,- деді облыс әкімі.
 

Ақпарат дереккөзі: Қызылорда облысы әкімдігінің ресми порталы
  • Информационно-аналитический портал АО «Самрук-Казына»
  • АО «Фонд развития предпринимательства «ДАМУ»
  • Международная специализированная выставка «Астана ЭКСПО-2017»
  • Invest In Kazakhstan
  • Baiterek National Holding
  • ИПС Әділет
  • Европейский банк реконструкции и развития (ЕБРР)
  • EUROBAK - European Business Association of Kazakhstan
  • KOTRA
  • МИР РК
  • KazExportGarant
  • Казахстанский фонд фондов прямых инвестиций - АО Kазына Капитал Менеджмент
  • Национальное агентство по экспорту и инвестициям KAZNEX INVEST
  • АО НАТР
  • Банк развития Казахстана (БРК)